ირანი ვენესუელაში აშშ-ის სამხედრო ოპერაციას გმობს და ვაშინგტონის ქმედებას სახელმწიფო ტერორიზმს უწოდებს. ირანის საგარეო საქმეთა მინისტრი აბას არაღჩი ტელეფონით ესაუბრა ვენესუელელ კოლეგას, ივან გილ პინტოს.
როგორც ირკვევა, აბას არაღჩიმ აშშ-ის ქმედებას ვენესუელის სუვერენიტეტისა და მისი ხალხის ეროვნული ნების აშკარა დარღვევა უწოდა.
თავის მხრივ, ვენესუელის საგარეო საქმეთა მინისტრმა მადლიერება გამოხატა ირანის პრინციპული პოზიციისა და ვენესუელასადმი სოლიდარობის გამოცხადების გამო.