“რვა ომი დავასრულე და კიდევ ერთი დამრჩა” – ამის შესახებ აშშ-ის პრეზიდენტმა, დონალდ ტრამპმა GB News-თან ინტერვიუში განაცხადა და იმედი გამოთქვა, რომ უკრაინაში საშინელ სისხლისღვრას მალე დაასრულებს.
„რვა ომი დავასრულე და კიდევ ერთი დამრჩა. გასულ თვეში ორ ქვეყანას შორის 25 000 ჯარისკაცი დაიღუპა. ეს არასდროს მოხდებოდა, მე რომ პრეზიდენტი ვყოფილიყავი. ვიფიქრე ამის დასრულება მარტივი იქნებოდა. მხოლოდ რუსეთსა და უკრაინას შორის ომი არ დამისრულებია. ეს საშინელი სისხლისღვრაა.
იმედია, მალე დასრულდება. მათზე ძლიერ ზეწოლას ვახდენთ, როგორც იცით, ინდოეთისა და ნავთობის მხრივ. ინდოეთი ახლა უარს ამბობს, რადგან როდესაც რუსეთი ნავთობს ყიდის, მაშინ მათ ფული აქვთ, რომ რაღაც გააკეთონ. მაგრამ, ვფიქრობ, ამას დავასრულებთ“, – აღნიშნა აშშ-ის პრეზიდენტმა.