დონეცკის ოლქის სოფელი რუსებმა იმ დროს დაბომბეს, როდესაც პენსიები გაიცემოდა – დაღუპულია 20-ზე მეტი ადამიანი. ინფორმაციას უკრაინის პრეზიდენტი, ვოლოდიმირ ზელენსკი ავრცელებს.
“სასტიკი რუსული საჰაერო დაბომბვა დონეცკის ოლქის სოფელ იაროვაზე. პირდაპირ ხალხზე. ჩვეულებრივ მშვიდობიან მოქალაქეებზე. იმ მომენტში, როდესაც პენსიები გაიცემოდა. წინასწარი ინფორმაციით, დაღუპულთა რიცხვი 20-ზე მეტია. სიტყვები არ მყოფნის… სამძიმარი გარდაცვლილთა ყველა ნათესავსა და მეგობარს.
რუსეთის ასეთი დარტყმები ნამდვილად არ უნდა დარჩეს მსოფლიოს მხრიდან შესაბამისი რეაქციის გარეშე. რუსები აგრძელებენ სიცოცხლის განადგურებას, მაგრამ ისინი თავს არიდებენ ახალ მკაცრ სანქციებს, ახალ ძლიერ დარტყმებს. მსოფლიო არ უნდა იყოს ჩუმად. მსოფლიო არ უნდა იყოს უმოქმედო. შეერთებულ შტატებს სჭირდება რეაქცია. ევროპას სჭირდება რეაქცია. G20-ს სჭირდება რეაქცია. საჭიროა ძლიერი მოქმედება, რათა რუსეთმა შეწყვიტოს სიკვდილის მოტანა” – წერს ვოლოდიმირ ზელენსკი