რუსებმა უკრაინას დრონებით და რაკეტებით შეუტიეს, არიან დაღუპულები და დაშავებულები. ქვეყნის მთელს ტერიტორიაზე საჰაერო თავდასხმის განგაში გამოცხადდა – ამის შესახებ ინფორმაციას უკრაინული მედია ავრცელებს.
კიევში დრონებით შეტევის შედეგად სვიატოშინსკის და დარნიცკის რაიონებში მრავალსართულიანი შენობები დაზიანდა, დაიღუპა 3 ადამიანი, მათ შორის ჩვილი.
როგორც ცნობილია, დაშავდა 13 ადამიანი.
რუსების თავდასხმის შედეგად, სვიატოშინსკის რაიონში ცხრასართულიანი საცხოვრებელი შენობა სერიოზულად დაზიანდა – მე-4-8 სართულები ნაწილობრივ განადგურდა.