„ადამიანის უფლებათა ცენტრის“ დირექტორის, ალეკო ცქიტიშვილის საცხოვრებელ სახლში ჩხრეკა დასრულდა.
როგორც ალეკო ცქიტიშვილი განმარტავს, პროკურატურის წერმომადგენლებმა სამსახურის ლეპტოპი და ტელეფონი ამოიღეს.
“პირადი ჩხრეკის შემდეგ მეორე განჩინება გამაცნეს და საცხოვრებელი სახლი გაჩხრიკეს, ამოიღეს სამსახურის ლეპტოპი და ტელეფონი. გამოკითხვაზე, ალბათ, დამიბარებენ და შემდეგ შესაძლოა, მოხდეს დაპატიმრებაც. მე ყველაფრისთვის მზად ვარ, ბრძოლა რუსული რეჟიმის წინააღმდეგ გრძელდება, არავის ეშინია“, – განაცხადა ალეკო ცქიტიშვილმა ჟურნალისტებთან.
შეგახსენებთ, დღეს დილიდან ჩხრეკის ჩასატარებლად შევიდნენ ნანუკა ჟორჟოლიანთან, მარიამ ბაჯელიძესთან და ალეკო ცქიტიშვილთან.
ჩხრეკა კვლავ მიმდინარეობს ნანუკა ჟორჟოლიანის სახლში.