რიკოთის უღელტეხილზე მიკროავტობუსი გაქურდეს, რომლითაც ბათუმელი მოვაჭრეები თბილისში, ლილოს ბაზრობაზე მიდიოდნენ. წაღებულია 80 ათასამდე ლარი.
შემთხვევა დღეს დილით, გამთენიისას მოხდა, მაშინ როდესაც მიკროავტობუსი რიკოთზე იყო გაჩერებული და მასში არავინ იმყოფებოდა.
„მეტრონომი“ დაუკავშირდა შსს-ს. მათი ინფორმაციით, მომხდარზე გამოძიება 177-ე, ქურდობის მუხლით დაიწყო. ჯერჯერობით ეჭვმიტანილები არ არსებობენ. მიმდინარეობს გამოძიება.