გერმანიის კანცლერმა, ოლაფ შოლცმა Rheinische Post-თან ინტერვიუში რუსეთ-უკრაინის ომის შესახებ ისაუბრა.
მან აღნიშნა, რომ ამ მიმართულებით მშიდობა ჯერ კიდევ შორსაა.
„კარგი ამბავი იქნება, თუ უკრაინაში ომი დასრულდება, მაგრამ, მაშინაც კი, ჩვენ მაინც მოგვიწევს უკრაინის უსაფრთხო მომავლის უზრუნველყოფა. შემდეგ საუბარი შეეხება უსაფრთხოების გარანტიებს და ასევე იმას, თუ როგორ შეუძლია უკრაინას შეინარჩუნოს ძლიერი არმია, რომლის შეიარაღებასაც ერთად შევძლებთ. ჩვენ უახლოეს მომავალში განვიხილავთ ამას ჩვენს მოკავშირეებთან“, – განაცხადა შოლცმა.