ეგვიპტური სამგზავრო ლაინერის გამტაცებელი დაკავებულია – ამის შესახებ BBC კვიპროსის საგარეო საქმეთა სამინისტროზე დაყრდნობით იტყობინება.
ადგილობრივი მედიის ცნობით, თვითმფრინავის ბორტზე ამჟამად სპეცდანიშნულების რაზმები იმყოფებიან, ხოლო თვითმფრინავი რამდენიმე მძევალმა დატოვა.
შეგახსენებთ, რომ დღეს დილით ეგვიპტური სამგზავრო თვითმფრინავი გაიტაცეს. როგორც ეგვიპტური მედია იტყობინება, გამტაცებელი ლიბანის უნივერსიტეტის პროფესორია. კვიპროსის პრეზიდენტის განცხადებით, გამტაცებელი ტერორისტი არ არის „ეს შეყვარებული მამაკაცია, რომელსაც ყოფილ ცოლთან შეხვედრა სურს. საქმე ქალს უკავშირდება“.