პლენარულ სხდომაზე “უცხოური გავლენის გამჭვირვალობის შესახებ“ კანონპროექტის პირველი მოსმენით განხილვა ხვალ გაგრძელდება.
პარლამენტის პლენარული სხდომა დღეისთვის დასრულებულია, თუმცა კანონპროექტის პირველი მოსმენით განხილვა დღეს სრულად ვერ მოესწრო.
“11:45 საათზე იქნება ბიუროს სხდომაზე, 12 საათზე განვაახლებთ პოლიტიკურ გამოსვლებს, სხდომა დახურულია”. – თქვა შალვა პაპუაშვილმა.
განხილვა მთელი დღის განმავლობაში მწვავე დაპირისპირების ფონზე მიმდინარეობდა. ოპოზიცია კანონპროექტის უკან გაწვევას ითხოვს.