15 მარტს გარემოს დაცვის კომიტეტის სხდომაზე, სადაც კანონპროექტი განიხილება, დოკუმენტის ერთ-ერთმა ავტორმა დეპუტატმა მაია ბითაძემ განმარტა, რომ ყველა მეპატრონე ვალდებული იქნება საკუთარ ძაღლსა და კატას კასტრაცია/სტერილიზაცია გაუკეთოს.
ეს კანონი შეეხება ყველას, ვისაც სახლში ჰყავს კატა ან ძაღლი ან რომელიმე ცხოველი მიიკედლა ეზოში.
კანონში ასევე ჩაიწერება ვადები, როცა ოჯახს საკუთარი შინაური ცხოველის კასტრაცია/სტერილიზაცია შეეძლება. შინაური ცხოველის გამრავლება შესაძლებელი იქნება მხოლოდ ლიცენზირებულ საშენში.