რუსეთში გასამართ „მსოფლიო ახალგაზრდულ ფესტივალზე“ ქართული დელეგაციაც დაესწრება – დიმიტრი ლორთქიფანიძე

პოლიტიკოსმა დიმიტრი ლორთქიფანიძემ რუსეთში გასამართ „მსოფლიო ახალგაზრდულ ფესტივალზე“ ქართული დელეგაციის ჩასვლის საკითხზე ისაუბრა.

„დიახ, საქართველოდან დელეგაცია იქნება წარმოდგენილი “მსოფლიო ახალგაზრდულ ფესტივალზე”. 40 ადამიანისგან შემდგარი ჯგუფი უკვე ჩამოყალიბებულია. დელეგაციაში შედიან ახალგაზრდა ლიდერები, სამოქალაქო აქტივისტები, მათ შორის არის ანა ხოტივრიშვილი, არჩილ სიხარულიძე – ავტორი ქართულენოვანი წიგნისა “რუსეთის ფედერაციის შიდა და საგარეო პოლიტიკა”, რომელსაც საქართველოს უმაღლეს სასწავლებლებში იყენებენ, როგორც დამატებით ლიტერატურას“, – აღნიშნა ლორთქიფანიძემ.