პოლონური მედიის ცნობით, პოლონეთში, მკვლელობის ბრალდებით, საქართველოს ორი მოქალაქე დააკავეს.
დანაშაული ვროცლავში მოხდა.
როგორც ირკვევა, მას წინ დაპირისპირება უძღოდა. შაბათს, 27 იანვარს, დილის 5 საათზე ქალაქის ცენტრში ერთმანეთს ახალგაზრდები დაუპირისპირდნენ, რასაც 21 წლის ადგილობრივის სიკვდილი მოჰყვა. ჯერჯერობით უცნობია კონკრეტულად რა იარაღითაა ჩადენილი მკვლელობა.