უკრაინის შეიარაღებული ძალები გაზაფხულზე ყირიმში ვერ შევიდნენ, რადგან დასავლელმა მოკავშირეებმა იარაღის მიწოდებისა და რუსეთის დასანქცირების ვალდებულება ვერ შეასრულეს – ამის შესახებ უკრაინის პრეზიდენტის ოფისის მრჩეველმა, მიხაილ პოდოლიაკმა განაცხადა.
“ჩვენი პროგნოზი ასეთი იყო, თუ შევთანხმდით ომის წარმოების გარკვეულ ინსტრუმენტებზე, ეს ინსტრუმენტები უნდა გვქონდეს 7-10 დღეში, მაგრამ არა 90 ან 120 დღეში. როგორი შეიარაღება გექნება გარკვეული დროის შემდეგ, ამას რუსებიც ხომ ხვდებიან? რას გააკეთებენ ისინი? რა თქმა უნდა, სტრატეგიული თავდაცვისთვის მოემზადებიან“ – აღნიშნა პოდოლიაკმა.