საქართველომ ყველაფერი უნდა გააკეთოს, რათა ჩინეთთან ურთიერთობები გააღრმაოს – ამის შესახებ თბილისის მერმა კახა კალაძემ განაცხადა.
“ამასთან დაკავშირებით პრემიერ-მინისტრმაც გააკეთა განმარტებები. რა თქმა უნდა, ჩვენ ძალიან ვუფრთხილდებით ასეთ ურთიერთობებს. საქართველომ ყველაფერი უნდა გააკეთოს, რათა ჩინეთთან ურთიერთობები გააღრმაოს, უფრო საინტერესო გახადოს. ამ მიმართულებით ძალიან დიდი რესურსი და შესაძლებლობაა. ყველაფერი უნდა იყოს გამოყენებული, რომ პარტნიორობა კიდევ უფრო გაღრმავდეს“ – განაცხადა კახა კალაძემ.