8 ნოემბერს ევროკომისიამ გასცა რეკომენდაცია, უკრაინა და მოლდოვა ევროკავშირში გაწევრიანებისთვის საჭირო მოლაპარაკებების ეტაპზე გადავიდნენ.
ამ საკითხთან დაკავშირებით, უნგრეთის პრემიერმა, ვიქტორ ორბანმა ისაუბრა.
„გაწევრიანების მოლაპარაკებები არ უნდა დაიწყოს, ეს უნგრეთის მკაფიო პოზიციაა. მინდა გარკვევით ვთქვა, რომ უნგრეთის წინააღმდეგობა უკრაინის ევროკავშირში გაწევრიანებისთვის მოლაპარაკებების დაწყების საკითხზე ვერ გახდება ბიზნეს გარიგების საგანი. არ შეიძლება ამის დაკავშირება იმ დაფინანსებასთან, რაც უნგრეთს ისედაც ეკუთვნის“, – აღნიშნავს ორბანი.