“ამჟამინდელი ხელისუფლებაა პასუხისმგებელი, რომ საქართველო დღეს უკრაინასა და მოლდოვასთან ერთად არ არის” – იუკნევიჩიენე

ევროკომისიამ საქართველოსთვის კანდიდატის სტატუსის მინიჭებას რეკომენდაცია გაუწია, უკრაინასა და მოლდოვასთან მიმართებით კი EU-ში გაწევრიანებაზე მოლაპარაკების დაწყებას დაუჭირა მხარი.

„საქართველოს ევროკავშირში გაწევრიანება ქართველმა ხალხმა გადაარჩინა – ამჟამინდელი ხელისუფლებაა პასუხისმგებელი, რომ საქართველო, რომელიც ოდესღაც ამ პროცესში ლიდერი იყო, დღეს უკრაინასა და მოლდოვასთან ერთად არ არის. ეს არის ამ ხელისუფლების ყველაზე დიდი დანაშაული საკუთარი ხალხის მიმართ“, – ასე გამოეხმაურა ევროპარლამენტარი რასა იუკნევიჩიანე ზემოაღნიშნულ გადაწყვეტილებებს.