საბერძნეთში წყალდიდობის შედეგად დაღუპულთა რიცხვი 12-მდე გაიზარდა.
სამაშველო-სამძებრო ოპერაცია დაზარალებულ რეგიონებში ამ წუთებშიც მიმდინარეობს. დატბორილ სოფლებში უგზო-უკვლოდ დაკარგულებს ეძებენ.
ვრცელდება ინფორმაცია, რომ ვერტმფრენების დახმარებით სტიქიის ზონიდან 149 ადამიანი გამოიყვანეს. სახანძრო-სამაშველო სამსახურის ინფორმაციით, ქვეყნის მასშტაბით სულ 4 250-მდე ადამიანის სამაშველო-ევაკუაცია განხორციელდა.