„ერთიანი ნაციონალური მოძრაობის“ თავმჯდომარე ლევან ხაბეიშვილი უკვე ყოფილი ელჩის, კელის დეგნანის დღევანდელ განცხადებებს გამოეხმაურა.
ხაბეიშვილის თქმით, დეგნანის განცხადებები მიანიშნებს ერთ რამეზე – სრული მხარდაჭერა ექნება ქართველ ხალხს.
„როცა პუტინი, მარგარიტა სიმონიანი, სალავიოვი გაქებს, ეს საქართველოს ხელისუფლებისთვის პრობლემაა. პარალელურად, როცა სტრატეგიული პარტნიორი ამბობს, რომ მანიპულატორი ხარ, გამყალბებელი ხარ, რომ საშიში და სახიფათოა საქართველოს ხელისუფლების მიერ ჩატარებული არჩევნები, ეს არის განაჩენი რუსული პარტიისთვის და შესაბამისად, ქართველმა ხალხმა ეს განაჩენი უნდა აღასრულოს. იმას, რომ რუსული ხელისუფლებაა, იმას, რომ რუსული პარტია არ უნდა ქართველ ხალხს, იმას, რომ ამ რეჟიმში ცხოვრება საქართველოს მოქალაქეს აღარ უნდა, სჭირდება გაფორმება და ჩვენი სტრატეგიული პარტნიორების ასეთი ღია განცხადებები მიანიშნებს ერთ რამეზე, სრული მხარდაჭერა ექნება საქართველოს მოქალაქეს, სრული მხარდაჭერა ექნება ქართველ ხალხს და შესაბამისად, ეს საქმე ბოლომდე ქართველი ხალხის მისაყვანი იქნება,“ – განაცხადა ლევან ხაბეიშვილმა.