რუსეთმა დუნაის ერთ-ერთი პორტი დაბომბა, დაზიანებულია მარცვლეულის საცავები. ოდესის სამხედრო ადმინისტრაციის ხელმძღვანელმა ოლეგ კიპერმა განაცხადა, რომ რუსი ოკუპანტები რეგიონს დრონებით 2-ჯერ დაესხნენ თავს.
“მთავარი სამიზნე რეგიონის სამხრეთით მდებარე პორტი და მარცვლეულის ინფრასტრუქტურაა. დუნაის ერთ-ერთ პორტზე მტრის დარტყმის შედეგად დაზიანდა საწყობები და მარცვლეულის საცავები. გაჩენილი ხანძარი სასწრაფო დახმარების სახელმწიფო სამსახურმა სწრაფად ჩააქრო,” – განაცხადა მან.