2022 წელს საქართველოს თითქმის 29 ათასმა მოქალაქემ ევროკავშირს თავშესაფრის მოთხოვნით მიმართა, რაც აბსოლუტური რეკორდია წინა წლებთან შედარებით. ამის შესახებ „ეხო კავკაზა“ იუწყება.
გასულ წელს ევროკავშირს თავშესაფრის თხოვნით საქართველოს 28 797-მა მოქალაქემ მიმართა, მათ შორის 2397-მა – ხელმეორედ.
საქართველოს მოქალაქეები თავშესაფრის თხოვნით, ძირითადად, გერმანიის და საფრანგეთის ხელისუფლებას მიმართავენ. საერთო ჯამში 2022 წელს ევროკავშირს მსოფლიოს სხვადასხვა ქვეყნიდან თავშესაფრის თხოვნით თითქმის მილიონმა ადამიანმა მიმართა. პირველ ადგილზე სირია – 132 ათასი და ავღანეთი – 129 ათასი.
ასევე ევროკავშირის დროებითი თავშესაფრის თხოვნით გასულ წელს 4 მილიონამდე უკრაინის მოქალაქემ მიმართა.