უკრაინის შეიარაღებული ძალების გენერალური შტაბის გავრცელებული ინფორმაციით, გასული დღის განმავლობაში უკრაინელმა ჯარისკაცებმა მოწინააღმდეგის თავდასხმები დონბასის 13 დასახლებულ პუნქტთან მოიგერიეს.
„გასული დღის განმავლობაში რუსმა ოკუპანტებმა 7 სარაკეტო და 31 საჰაერო დარტყმა განახორციელეს, ასევე უკრაინის ტერიტორია მრავალჯერადი სარაკეტო სისტემებიდან 73-ჯერ დაბომბეს“, – აცხადებენ გენშტაბში.
უწყების განმარტებით, უკრაინის მასშტაბით კრიტიკულ ინფრასტრუქტურულ ობიექტებზე მტრის საჰაერო და სარაკეტო დარტყმების საფრთხე კვლავ არსებობს.