თბილისის საკრებულოს „ქართული ოცნების“ დეპუტატმა, ვლადიმერ ბოჟაძემ ბიუჯეტთან დაკავშირებით ოპოზიციის წარმომადგენლების კრიტიკას უპასუხა. ბოჟაძის თქმით, საქართველო მსოფლიოში პირველია ბიუჯეტის გამჭვირვალობის კუთხით.
„დღეს მთელმა საქართველომ გაიგო, რომ ბიუჯეტის განხილვა დაიწყო საკრებულოში. შეგიძლიათ თბილისელებს გააგებინოთ, 2023 წლის ბიუჯეტი 2022-თან შედარებით გაიზარდა თუ შემცირდა? მილიარდნახევრიან ბიუჯეტზე ვსაუბრობთ, რომელმაც 2023 წელს უნდა შეცვალოს უამრავი თბილისელის ცხოვრება. შეგიძლიათ მითხრათ, რომელი პროგრამაა თქვენთვის მიუღებელი და რომელია მისაღები? ოპოზიციისგან რას ვისმენთ? – საქართველოს, რომელიც მსოფლიოში პირველ ადგილზეა ბიუჯეტის გამჭვირვალობის ინდექსით, თურმე გაუმჭვირვალე ბიუჯეტი ჰქონია. მეტსაც გეტყვით, უღიმღამო ბიუჯეტი ჰქონია თბილისს. „ღიმღამიანი რომელია? მართლა მაინტერესებს, საკრებულოს ოპოზიციონერი წევრების განცხადებების შემდეგ, დაინახეთ რამე კარგი 2022 ან 2023 წლის ბიუჯეტში, თუ ისევ ისე ბნელა, როგორც 2012 წლამდე ბნელოდა „ნაციონალური მოძრაობის“ მთავრობის პირობებში?“, – აღნიშნა ვლადიმერ ბოჟაძემ.
შეგახსენებთ, საკრებულოს დღევანდელ სხდომაზე „ლელოს“ წევრმა, საბა ბუაძემ განაცხადა, რომ თბილისის ბიუჯეტი ბუნდივანია და ის თბილისის მერის, კახა კალაძის დაპირებებსაც კი არ ითვალისწინებს.