ერთობლივ საკოორდინაციო ცენტრზე დაყრდნობით, უცხოური მედიასაშუალებები ავრცელებენ ინფორმაციას იმის შესახებ, რომ უკრაინა, თურქეთი და გაერო თურქეთის წყლებში მყოფი უკრაინული მარცვლეულით დატვირთული 16 გემის გადაადგილების გეგმაზე შეთანხმდნენ. აღნიშნულ ქვეყნებსა და ორგანიზაციას შორის ასევე მიღწეულია შეთანხმება 40 გემის ინსპექტირების უზრუნველყოფაზე, რომლებმაც პორტი ორშაბათს უნდა დატოვონ.
გაერო-მ უნდა აცნობა რუსეთის ზემოხსენებული შეთანხმების შესახებ.
შეგახსენებთ, რომ 29 ოქტომბერს ცნობილი გახდა, რომ რუსეთის ფედერაცია მარცვლეულის ექსპორტის შესახებ შეთანხმებაში მონაწილეობას წყვეტს, მიზეზად კი შავი ზღვის ფლოტის გემებზე განხორციელებული „ტერორისტული თავდასხმები” დაასახელა.