aviabiletebi
ახალი ამბები საზოგადოება სამართალი

“მძარცველს სამორინეში დიდი თანხა აქვს წაგებული” – არის თუ არა ცნობილი თავდამსხმელის ვინაობა

aviabiletebi
ავიაბილეთები

ამ დრომდე უცნობია ვინ არის “საქართველოს ბანკში” შეჭრილი პიროვნება.

თუმცა, “რუსთავი 2” წერს, რომ ვრცელდება სხვადასხვა ვერსია.

ერთ-ერთი მათგანის მიხედვით, თავდამსხმელი, შესაძლოა, იყოს პირი, რომელიც პოლონეთიდან ახალი ჩამოსულია და მას სამორინეში აქვს თანხა წაგებული. თუმცა, ინფორმაციას ოფიციალურად არავინ ადასტურებს. 

ქუთაისში “საქართველოს ბანკში” შეჭრილი პირი აცხადებს, რომ შენობაში ლაზერული ბომბია, რომლის ბატარეა 3 საათში დაჯდება და აფეთქდება.

ცნობილია, რომ თავდამსხმელს ტანზე მიმაგრებული აქვს ასაფეთქებელი მოწყობილობები, რომელიც მიერთებულია მართვის პულტთან.

ქუთაისში “საქართველოს ბანკის” ტერიტორიაზე თავდამსხმელის ასაყვანად სპეცოპერაცია მიმდინარეობს.

როგორც თვითმხილველი აცხადებს, ბანკში ერთი ადამიანი შეიჭრა, რომელიც შეიარაღებულია და მას მძევლები ჰყავს აყვანილი.

როგორც ადგილობრივი ამბობს, მძარცველი 2 მილიონს ითხოვს

“რომ შევიდა მალევე იყო გასროლა და რომ მოვიხედე ნიღაბი უკვე ჩამოწეული ჰქონდა და გარე სივრცეს ათვალიერებდა. ბანკში ალბათ დაახლოებით ათამდე ადამიანი იმყოფებოდა. ასე გვითხრეს მძარცველი 2 მილიონს ითხოვსო. მძევლები ჰყავთ აყვანილი”, – აცხადებს თვითმხილველი “მთავართან”.

თავდასხმის კიდევ ერთი თვითმხილველი, სოფო ნუცუბიძე “მთავარ არხთან” საუბრისას ამბობს, რომ შენობაში 10-მდე ადამიანია, მათ შორის თანამშრომლები და მომხმარებლები.

მისი თქმით, სავარაუდო თავდამსხმელს ჯინსის ქურთუკი ეცვა და ნიღაბი ეკეთა, ბანკში შესვლიდან მალევე გაისმა გასროლის ხმა.

“საქართველოს ბანკში მივდიოდი თანხის ჩასარიცხად, ჩექინი მქონდა გასაკეთებელი ბილეთზე და გვერდით “ავიაბილეთებში” შევედი უცებ, ეს ადამიანი ჩემ წინ მიდიოდა, ჩვეულებრივად ჩაცმული, არაფერი განსაკუთრებული, როგორც კი შევიდა მალევე იყო გასროლა. […] გარედან დაიძახეს ნიღბიანია შესულია და ავტომატურად ვინც შევძელით გამოვიქეცით. […] რომ გამოვედი, ნიღაბი უკვე ჩამოწეული ჰქონდა და აკვირდებოდა გარეთ თუ იყო ვინმე, თქვეს, რომ თანხის გამოსატანად არიან შესულებიო, მე ეს არ დამინახავს”, – თქვა თვითმხილველმა.

მომხდართან დაკავშირებით შსს-მ განცხადება გაავრცელა, რომელშიც ნათქვამია, რომ ქუთაისში “საქართველოს ბანკში” შეიარაღებული პირია შეჭრილი და მძევლად 12 ადამიანი ჰყავს აყვანილი.

იტვირთბა....