რომის პაპმა ფრანცისკემ დარია დუგინას “ომის უდანაშაულო მსხვერპლი“ უწოდა. ამის გამო, წმინდა საყდრის ნუნციო უწყებაში დაიბარეს, რაც უპრეცედენტო შემთხვევაა.
“გულწრფელად ვიტყვი, რომ გული დაგვწყვიტა რომის პაპის სიტყვებმა. ეს იყო უსამართლობა”, – განაცხადა უკრაინის საგარეო საქმეთა მინისტრმა, დმიტრო კულებამ.
ცნობისთვის, პაპმა ფრანცისკემ ომის შედეგად დაღუპულებსა და დაჭრილებზე საუბრისას განაცხადა:
“ომი – ეს ხომ სიგიჟეა და არავის ომში არ შეუძლია თქვას – არა, მე შეშლილი არ ვარ. ომის სიგიჟე… მეფიქრება საბრალო გოგონაზე, რომელიც მოსკოვში, ავტომობილის სავარძლის ქვეშ დამონტაჟებულ ბომბზე აფეთქდა – ომისთვის უდანაშაულებს უწევთ გადახდა”, – განაცხადა რომის პაპმა.
შეგახსენებთ, მოსკოვის გარეუბანში “პუტინის იდეოლოგად” წოდებული ალექსანდრ დუგინის ქალიშვილის, კრემლის პროპაგანდისტის, დარია დუგინას ავტომობილი აფეთქდა, რის შედეგადაც, 29 წლის ქალი ადგილზევე დაიღუპა.