“ჩინური რაკეტა დედამიწისკენ უკონტროლოდ მოემართება” – CNN

ჩინური რაკეტა, რომელიც ჰაინანის კუნძულიდან კვირას აფრინდა, დედამიწისკენ უკონტროლოდ მოემართება, – აღნიშნულის შესახებ ინფორმაციას CNN-ი ავრცელებს.

,მედიის ცნობით, ხსენებული რაკეტა სავარაუდოდ, მომავალ კვირას ჩამოვარდება, თუმცა მეცნიერები წინასწარ ვერ განსაზღვრავენ, სად დაეცემა ის.

„ეს არის 20 ტონა მეტალის ობიექტი. მიუხედავად იმისა, რომ ატმოსფეროში მოხვედრისას დაიმსხვრევა, მრავალი ნაჭერი – ზოგიერთი მათგანი საკმაოდ დიდი – ზედაპირზე მოაღწევს,” – თქვა CNN-ის ცნობით, მაიკლ ბაიერსმა, ბრიტანეთის კოლუმბიის უნივერსიტეტის პროფესორმა.

ბაიერსმა ასევე განმარტა, რომ კოსმოსური ნამსხვრევები უკიდურესად მინიმალურ რისკს წარმოადგენს ადამიანისთვის, მაგრამ თუ დიდი ნაწილები დასახლებულ რეგიონებში ჩამოვარდება, შესაძლებელია, ზიანიც გამოიწვიოს.