უკრაინის პირველმა ლედიმ, ოლენა ზელენსკამ აშშ-ს კონგრესს უკრაინაში საჰაერო თავდაცვის სისტემების გაგზავნა სთხოვა.
უკრაინის პირველმა ლედიმ დასძინა, რომ მას, ისევე როგორც ბევრ უკრაინელ დედას, სურს, რომ შვილებს მომავლის იმედი მისცეს.
„შეძლებს თუ არა ჩემი შვილი სკოლაში დაბრუნებას შემოდგომაზე, არ ვიცი, როგორც მილიონობით დედამ უკრაინაში. შეძლებს თუ არა ჩემი ქალიშვილი სასწავლო წლის დასაწყისში უნივერსიტეტში სწავლას და ნორმალურ სტუდენტურ ცხოვრებას? მე არ შემიძლია პასუხის გაცემა. მე გთხოვთ საჰაერო დაცვის სისტემებს, რათა რაკეტებმა არ დახოცონ ბავშვები ეტლებში. სამწუხაროდ, ომი არ დასრულებულა, ტერორი გრძელდება. ყველას სახელით მოგმართავთ, ვინც დაიღუპა, იმ ადამიანების სახელით, რომლებმაც სხეულის ნაწილები დაკარგეს, მათ სახელით, ვინც ცოცხალია და თავს კარგად გრძნობენ, ვინც ფრონტიდან ოჯახის წევრების დაბრუნებას ელოდება. ვითხოვ იმას, რისი მოთხოვნაც არასდროს მენდომებოდა, ვითხოვ იარაღს.” – განაცხადა ზელენსკამ.