ოკუპირებული აფხაზეთის ე.წ. პრეზიდენტი, ასლან ბჟანია რუსეთს სანქცირებული პროდუქტის იმპორტისთვის აფხაზეთის პორტებს სთავაზობს, – აღნიშნულის შესახებ ინფორმაციას რუსული პროპაგანდისტული მედია ავრცელებს.
მისივე ცნობით, ბჟანია აცხადებს, რომ “აფხაზეთს სანქციების არ ეშინია”.
“მას შემდეგ, რაც ბევრმა ქვეყანამ რუსეთის წინააღმდეგ სანქციები დააწესა, ვფიქრობ, რომ ჩვენ შეგვიძლია პარალელური იმპორტის განხორციელება. გვაქვს 2 პორტი და წვდომა სახელმწიფოებთან. სანქციების არ გვეშინია და ვფიქრობ ამ ყველაფერმა რუსეთთან უფრო დაგვაახლოვა”, – აცხადებს ბჟანია.
ცნობისთვის, მას შემდეგ, რაც 24 თებერვალს ვლადიმერ პუტინმა უკრაინაში ომი დაიწყო, ქვეყნების უმეტესობამ რუსეთს სანქციები დაუწესა.