კიდევ ერთხელ მოვუწოდებ ევროპარლამენტის წევრებს – ნაცვლად იმისა, ხელი შეუწყონ რადიკალურ ოპოზიციას თავიანთი რადიკალური დღის წესრიგის განხორციელებაში, ჩახედონ რეკომენდაციების პირველ პუნქტს, რომელიც შეეხება დეპოლარიზაციას და ნუ იქნებიან თავად პოლარიზაციის წამქეზებლები. ასეთი განცხადებები აქეზებს პოლარიზაციას და ეწინააღმდეგება მათ შორის, ევროკავშირის სულისკვეთებას. ერთადერთი რამის თქმა შემიძლია, კონკრეტულად ეს დეპუტატი თავადვე ეწინააღმდეგება ევროკავშირის სულისკვეთებას, აქეზებს საქართველოში პოლარიზაციას და მათ შორის, ამ კუთხით შეურაცხყოფს ქართულ დემოკრატიას
ასე გამოეხმაურა პარლამენტის თავმჯდომარე შალვა პაპუაშვილი ევროპარლამენტარ რასა იუკნევიჩიანეს განცხადებას იმასთან დაკავშირებით, რომ დეოლიგარქიზაცია ნიშნავს საქართველოს დებიძინიზაციას.