ამერიკის შეერთებული შტატების პრეზიდენტის, ჯო ბაიდენის განცხადებით, ვაშინგტონი ოფიციალურ კიევს შორი დისტანციის სარაკეტო სისტემებს არ გაუგზავნის. ამის შესახებ ინფორმაციას Reuters ავრცელებს.
“არ ვაპირებთ, უკრაინას ისეთი სარაკეტო სისტემები გავუგზავნოთ, რომელთაც რუსეთის ტერიტორიამდე მიღწევა შეუძლიათ”, – აცხადებს ბაიდენი.
როგორც “როიტერი” აღნიშნავს, ამას წინ უძღოდა უკრაინის ოფიციალური პირების თხოვნა მოკავშირეების მისამართით, მათთვის შორი დისტანციის მრავალჯერადი სარაკეტო სისტემების მიწოდებასთან დაკავშირებით.