ახალი ამბები ბიზნესი მსოფლიო უკრაინის ომი

“ევროკავშირი რუსული ნავთობის ეტაპობრივად სრულ აკრძალვას გეგმავს” – ფონ დერ ლაიენი

ევროკავშირი რუსული ნავთობის ეტაპობრივად სრულ აკრძალვას გეგმავს, – აღნიშნულის შესახებ ევროკომისიის პრეზიდენტმა, ურსულა ფონ დერ ლაიენმა განაცხადა.

მისივე თქმით,  რუსი სამხედრო მაღალჩინოსნები, რომლებმაც ბუჩასა და მარიუპოლში სამხედრო დანაშაულები ჩაიდინეს, სანქციების სამიზნეები გახდებიან.

“დღეს ჩვენ შემოგთავაზებთ სანქციების მეექვსე პაკეტს. პირველ რიგში ესენი იქნებიან, მაღალი რანგის სამხედროები და სხვა პირები, რომლებმაც ჩაიდინეს ომის დანაშაულები ბუჩაში. ჩვენ ვიცით, ვინც ხართ და თქვენ პასუხის აგებთ”, – განაცხადა ევროკომისიის პრეზიდენტმა.

ლაიენის თქმით, რამდენიმე რუსული ფინანსური ინსტიტუტი და რუსი პროპაგანდისტები, ასევე სანქციებს დაექვემდებარებიან.

“ჩვენ ვზღუდავთ რუსულ Sberbank-ს და კიდევ ორ სხვა მსხვილ ბანკს. ასევე ვუკრძალავთ ჩვენს ეთერში წვდომას სამ დიდ სახელმწიფო მაუწყებელს, რომლებიც აგრესიულად ავრცელებენ პუტინის სიცრუეს და პროპაგანდას. და ბოლოს ჩვენ ვგეგმავთ რუსული ნავთობის ეტაპობრივად სრულ აკრძალვას. მოდით, ვაღიაროთ: ეს ადვილი არ იქნება, მაგრამ ჩვენ უნდა ვიმუშაოთ მასზე”, – განაცხადა ფონ დერ ლეიენმა.

მან ხაზგასმით აღნიშნა, რომ ევროკავშირს სურს უკრაინის გამარჯვება რუსეთზე.

ცნობისთვის, რუსეთმა უკრაინაში ფართომასშტაბიანი ომი 24 თებერვალს დაიწყო და ოკუპანტის აგრესია ამ დრომდე გრძელდება.

 

ავიაბილეთები იაფად
იტვირთბა....

სხვა ამბები

ბერძენი ქირურგი 36 წლის დიანა ბერიძის მკვლელობაში ერთხმად დამნაშავედ სცნეს

ჯავის რაიონში 19-წლის ბიჭის ცხედარი იპოვეს

საბერძნეთში დააკავეს ქართველი ქალი, რომელიც მოხუცებს ნარკოტიკით აბრუებდა და ძარცვავდა

გოცირიძე “ოცნებიდან” დეპუტატების გასვლაზე: მათი პირით იღაღადებს ბიძინა

🎥VIDEO: ამ წუთებში მოსკოვში ხანძარია

თბილისი პრაიდის კვირეულის დაწყების აღსანიშნავად, ორგანიზატორებმა ტორტი გაჭრეს