ახალი ამბები საზოგადოება ჯანდაცვა

ცნობილია, ვინ ინიშნება რესპუბლიკურის დირექტორად – სამინისტროს განცხადება

საქართველოს სამედიცინო ჰოლდინგის მართვაში არსებულ აკად. ნ. ყიფშიძის სახელობის ცენტრალური საუნივერსიტეტო კლინიკის მენეჯმენტში ცვლილებებია – 2022 წლის 3 მაისიდან, აკად. ნ. ყიფშიძის სახელობის ცენტრალური საუნივერსიტეტო კლინიკის დირექტორად ლიანა ჭუმბურიძე ინიშნება. ამის შესახებ განცხადებას ჯანდაცვის სამინისტრო ავრცელებს.

“ლიანა ჭუმბურიძე 2019 წლიდან ბოკერიას სახელობის საუნივერსიტეტო ჰოსპიტლის საოპერაციო დირექტორი იყო. 2017-2018 წლებში მუშაობდა რესპუბლიკურ საავადმყოფოში ფინანსური დირექტორის თანამდებობაზე. ლევან გოფოძე რჩება რესპუბლიკური საავადმყოფოს გუნდში და კლინიკაში აგრძელებს საქმიანობას.

ეფექტიანი მმართველობის უზრუნველყოფისა და სტრუქტურულ-ფუნქციური ოპტიმიზაციის მიზნით, რესპუბლიკურ საავადმყოფოში რეორგანიზაციის პროცესი მიმდინარეობს, რაც სამუშაო პროცესის ნაწილია. საქართველოს სამედიცინო ჰოლდინგი, როგორც კლინიკის მმართველი გუნდი, მადლობას უხდის თანამშრომლებს, რომლებმაც განსაკუთრებული წვლილი შეიტანეს კლინიკის გამართულ ფუნქციონირებაში COVID-19-ის პანდემიის დროს და მომავალშიც განაგრძობს მათთან თანამშრომლობას.

რესპუბლიკური საავადმყოფო, რომელიც ჰოლდინგის მართვაში არსებული უმსხვილესი სახელმწიფო კლინიკაა, ამჟამად, ჰიბრიდულ რეჟიმზე გადაწყობის პროცესშია, რაც იმას ნიშნავს, რომ შესაბამისი სამუშაოების ჩატარების შემდეგ, კლინიკა მიიღებს როგორც კოვიდპაციენტებს, ასევე უზრუნველყოფს სხვა სამედიცინო სერვისების მიწოდებას”, – აღნიშნულია განცხადებაში.

ავიაბილეთები იაფად
იტვირთბა....

სხვა ამბები

საქართველოში გარკვეულ უკანგადადგმულ ნაბიჯებს ვხედავთ – ჩეხეთის ელჩი

უკრაინის ძალებმა სხვადასხვა მიმართულებით მტრის რამდენიმე შეტევა მოიგერიეს – გენშტაბი

Der Spiegel: რუსეთს შესაძლოა, სანქცირებული საქონლის კალინინგრადში შეტანის ნება დართონ

ტყვეობიდან გამოხსნილი მესაზღვრე იხსენებს, როგორ ექცეოდნენ რუსები “აზოვსტაველებს”

ქართველ გოგონას, რომელიც თბილისის ცენტრში რუსულ სიმღერას აპროტესტებდა, კამერა წაართვეს (ვიდეო)

(ვიდეო) ამ წუთებში, რადიკალური ჯგუფსა და სამართალმცავებს შორის ფიზიკური დაპირისპირებაა