აშშ მზად არის განიხილოს უკრაინისთვის იარაღის მიწოდების საკითხი, რომლის მეშვეობითაც შესაძლებელია რუსეთის აეროდრომებზე იერიშის მიტანა, – აღნიშნულის შესახებ ინფორმაციას უკრაინული მედია აშშ-ის თავდაცვის მინისტრის მოადგილეზე დაყრდნობით ავრცელებს.
როგორც მედია წერს, ამ ეტაპზე იარაღის ტიპი არ კონკრეტდება.
“დიახ ჩვენ ვაგრძელებთ უკრაინელების მხარდაჭერას და მათ მე რესურსებს მივცემთ”,- აცხადებს აშშ-ის თავდაცვის მინისტრის მოადგილე.
გარდა ამისა, მან დაადასტურა, რომ ამერიკული მხარე გააგრძელებს უკრაინის დაზვერვისთვის ინფორმაციის მიწოდებას.
“ვიცით, რომ სადაზვერვო მხარდაჭერა, რომელსაც ჩვენ უკრაინას ვუწევთ, სასიცოცხლოდ მნიშვნელოვანია, ამიტომ გავაგრძელებთ ამის გაკეთებას”, – თქვა ჰიკსმა.
ცნობისთვის, რუსეთმა უკრაინაში ფართომასშტაბიანი ომი 24 თებერვალს დაიწყო და ოკუპანტის აგრესია ამ დრომდე გრძელდება.