aviabiletebi
მთავარი პოლიტიკა

ოხანაშვილი: “ნაც.მოძრაობისა” და მათი ტელევიზიების ბინძური ცილისწამების კამპანია გრძელდება

aviabiletebi
ავიაბილეთები

“ქართული ოცნების” დეპუტატი, ანრი ოხანაშვილი Facebook-ზე წერს, რომ გარკვეულმა მედიასაშუალებებმა მისი დღევანდელი კომენტარი საკუთარი ინტერპრეტაციისთ გააშუქეს.

როგორც ოხანაშვილი წერს, ის “ერთიან ნაციონალურ მოძრაობაზე” საუბრობდა, ჟურნალისტებმა კი ეს ისე წარმოაჩინეს, თითქოს კომენტარს უკრაინაში მიმდინარე ომის შესახებ აკეთებდა.

“ბინძური ცილისწამების კამპანია გრძელდება ნაც. მოძრაობისა და მათი პარტიული ტელევიზიების მხრიდან. დღეს, ჟურნალისტის დასმულ შეკითხვას, რომელიც უკავშირდებოდა ნაც. მოძრაობის პროვოკაციულ ნაბიჯებს და არა უკრაინაში ოკუპანტის მიერ წარმოებულ ომს, ვუპასუხე, თუ რას აკეთებდნენ ნაც. მოძრაობის წარმომადგენლები საქართველოში, ხელისუფლებაში ყოფნის დროს და რომ ისინი ყველაფერზე არიან წამსვლელები საქართველოს წინააღმდეგ! ასევე, აღვნიშნე, რომ ასეთი გამოცდილების მქონე ხალხი უკრაინის ხელისუფლებისთვისაც არ უნდა იყოს მისაღები. ჩემი ეს ნათქვამი მიზანმიმართულად, კონტექსტიდან ამოგლეჯილად, დააკავშირეს უკრაინაში ომის კონკრეტულ ფაქტებთან, რაც არის გამეორება აფხაზეთში და სამაჩაბლოში ჩადენილი დანაშაულის. თითქოს, ამ ფაქტებზე ვსაუბრობდი. რა თქმა უნდა, ოკუპანტი ქვეყანაა პასუხისმგებელი უკრაინაში ომის წარმოებაზე და იმ შედეგებზეც, რაც იქ ხდება!”, – წერს ოხანაშვილი.

საქმე ეხება ოხანასვილის კომენტარს, რომ საქართველოს უკრაინასთან შუამავლად არ სჭირდება “ნაციონალური მოძრაობა”.

 

 

იტვირთბა....