ირკვევა, რომ რუსი სამხედროების მიერ გახსნილი ზოგიერთი ჰუმანიტარული დერეფანი მხოლოდ ბელორუსის ან რუსეთის ტერიტორიაზე უშვებს ხალხს, -აღნიშნულის შესახებ ინფორმაციას BBC ავრცელებს.
მედიის ცნობით, რუსული საინფორმაციო სააგენტო RIA Novosti-ს მიერ გამოქვეყნებული ევაკუაციის მარშრუტები აჩვენებს, რომ დერეფანი კიევიდან ბელორუსში ხალხის გასვლას გულისხმობს, ხარკოვიდან კი მხოლოდ რუსეთისკენ მიმავალ დერეფანს.
“მარიუპოლისა და სუმის დერეფნები იძლევა შესაძლებლობას მიაღწიოთ როგორც უკრაინის ქალაქებს, ასევე რუსეთს”, – იუწყება საინფორმაციო სააგენტო AFP.
ცნობისთვის, რუსეთი აცხადებს, რომ ცეცხლს შეწყვეტს, რათა მშვიდობიანმა მოქალაქეებმა ევაკუაცია შეძლონ.