საქართველო კორონავირუსით ინფიცირების და გარდაცვალების მაღალ მაჩვენებლებს ებრძვის.
რესპუბლიკური საავადმყოფოს კლინიკური დირექტორი, დევი ტაბიძე ტელეკომპანია “იმედის” ეთერში, აცხადებს, რომ ლეტალობის მაჩვენებელი, რომელიც ეხლაა რეალურად 3-ჯერ 4-ჯერ მეტია.
„სამწუხაროდ ჯერჯერობით გარდაცვალების მაჩვენებელი ისევ მაღალი რჩება, რაც არ არის სახარბიელო. ის რაოდენობა, რაც ბოლო დღეებში არის უნდა ვიანგარიშოთ რომ 3-ჯერ 4-ჯერ მეტია რეალურად არსებულ მოცემულ ციფრებთან მიმართებით“, – აცხადებს დევი ტაბიძე.
ინფექციური პათოლოგიის და შიდსის ცენტრის ინფექციონისტმა ალექსანდრე გოგინავამ განაცხადა, რომ დიდი ალბათობით 7-10 დღეში ეპიდსიტუაცია მკვეთრად გაუმჯობესდება.
„განსაკუთრებით მნიშვნელოვანია ვაქცინაციის პროცესი წარიმართოს უფრო აქტიურად. გამოვყოფდი რისკჯგუფებს. ადამიანებს, რომელთაც. დიდი ალბათობით 7-10 დღეში ეპიდსიტუაცია მკვეთრად გაუმჯობესდება, მაგრამ ეს არ გვაძლევს მოდუნების საშუალებას იმიტომ, რომ ჩვენი მოსახლეობის დიდი ნაწილი არ არის ვაქცინირებული“, – განაცხადა ალექსანდრე გოგინავამ.
ბოლო 24 საათში საქართველოში ᲙᲝᲠᲝᲜᲐᲕᲘᲠᲣᲡᲘᲡ 15 644 ᲨᲔᲛᲗᲮᲕᲔᲕᲐ დადასტურდა. ვირუსს ბოლო დღე-ღამეში 46 ადამიანი ემსხვერპლა; გამოჯანმრთელდა 24 110 პაციენტი.