[su_quote]მე კი არ შემიწყვიტეს უფლებამოსილება, ხალხს ჩააფურთხეს სულში და ხალხის უფლებამოსილება შეწყვიტეს ამჯერადაც. “ლეიბორისტული პარტიის” ამოცანაა, რომ ქვეყანაში ის სიმდიდრე, რაც მოსახლეობის სამ პროცენტს ხმარდება, რომელთა წარმომადგენლებიც დღეს პარლამენტში ბრძანდებიან, გადანაწილდეს და განეფინოს თანაბრად ყველას, ობოლს, ქვრივს, უპატრონოს, მშიერს, მაძღარს, საშუალო ფენას, ქვედა ფენას, ზედა ფენას. ამის საშუალებას არ გვაძლევს მმართველი, გაბატონებული ელიტა, რომელსაც ტირანი ივანიშვილი ხელმძღვანელობს.[/su_quote]
ამის შესახებ “ლეიბორისტული პარტიის” ლიდერმა შალვა ნათელაშვილმა მისთვის დეპუტატის მანდატის შეწყვეტასთან დაკავშირებით, “რეაქციაში” განაცხადა.
ცნობისთვის, “ლელოს” ლიდერს, ბადრი ჯაფარიძეს, “დროას” ლიდერს, ელენე ხოშტარიასა და “ლეიბორისტული პარტიის” ლიდერს, შალვა ნათელაშვილს სადეპუტატო უფლებამოსილება შეუწყდათ.