ომიკრონის ცირკულაცია ქვეყანაში მომატებულია. ჩვენი გათვლებით ქვეყანაში 90% ცირკულაცია გახლავთ ომიკრონი. მნიშვნელოვანია, რომ გახლავთ ომიკრონის ორი ქვეშტამი B.A.1 და შემდგომ გაჩნდა მეორე – B.A.2. ჩვენთან ორივე იდენტიფიცირებულია. მეორე შტამს ახასიათებს კიდევ უფრო სწრაფი გადადების და დიდი ალბათობით, რადგან ეს შტამი ვრცელდება ქვეყანაში, შესაძლებელია, ეს სწრაფი ტალღა მასთან იყოს დაკავშრებული, მაგრამ იგივე E1-თან შედარებით, ნაკლები აგრესიულობაა. ამიტომ ჩვენი მხრიდან მთავარი გზავნილია, რომ ომიკრონის ცირკულაცია მომავალი ორი კვირის განმავლობაში გაიზრდება. დღეს რომ 15 000-ზე მეტი შემთხვევაა გამოვლენილი, სადღაც 3-4-ჯერ მეტი უნდა ვიანგარიშოთ. მთავარი გზავნილი უნდა იყოს, რომ თუ გეწყებათ რესპირაციული ინფექციისთვის დამახასიათებელი ნიშნები – სურდო, თავის ტკივილი, ყელის ტკივილი და ტემპერატურის მატება, არ არის საჭირო, რომ რამდენიმე ადგილას დაიტესტოთ. დიდი ალბათობით, უნდა თქვათ, რომ არის ომიკრონი და დარჩეთ 112-ს და შემდეგ ოჯახის ექიმის დახმარებით მართოთ. 90%-ზე მეტ შემთხვევაში ეს ჩაივლის თითქმის სიმპტომების გარეშე. რაც მთავარია იყავით მშვიდად. ჰოსპიტალიზაცია 16 000-მდე შემთხვევიდან დაჭირდა დაახლოებით 16 ადამიანს, იქიდან არც ერთს არ დაჭირვებია ინტენსიური თერაპია, მაგრამ ამან არ უნდა დაგვამშვიდოს
ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ უწყებათაშორისო საკოორდინაციო სხდომის დასრულების შემდეგ განაცხადა.