სახელმძღვანელო გულდასმით წავიკითხე და იქ სადავო არაფერია. ტყუილად ვდავობთ, როგორ შეიძლება, არ იყოს შეტანილი ისტორიის წიგნში საქართველოს პირველი პირი?!, – ამის შესახებ ისტორიკოსმა, გიორგი კალანდიამ იმედის ეთერში განაცხადა.
“ეს გვინდა? აქ არის ფოტო დაფარული ფურცლით, გააქრეს ადამიანი, ჩვენი ქვეყნის ისტორიაში იყო ასეთი ფაქტები, რომ აქრობდნენ ისტორიიდან ადამიანებს და ამას ერქვა 37 წელი, ღმერთმა დაგვიფაროს ამისგან!
მე ძალიან კარგად ვიცნობ სახელმძღვანელოების ავტორებს და ისინი არიან უმაღლესი დონის პროფესიონალები, აბსოლუტურად აპოლიტიკური ადამიანები. თავად ტექსტებიც, ვიტყოდი, არის ძალიან მოზომილი, ზედმეტად ფრთხილი. კარგად იგრძნობა, რომ წიგნის ავტორები ცდილობენ, მოზარდის ფსიქიკა არ დააზიანონ რაიმე ინტერპრეტაციით. ამიტომ, ძალიან მშრალი ფაქტებია წარმოდგენილი”, – განაცხადა კალანდიამ.