ნაციონალური მოძრაობა ცდილობს შექმნას ალტერნატიული ისტორია და დაამციროს ამ პროცესის მნიშვნელობა. სინამდვილეში, ეს არის პროცესი ყოფილი პრეზიდენტის წინააღმდეგ, რომელიც ეხება ელიტური კორუფციის არნახულ მასშტაბებს. 9 მილიონ ლარზეა საუბარი, რომლითაც მიხეილ სააკაშვილი საკუთარი ძალაუფლების გამოყენებით, პირად სარგებელს იღებდა. ამ 9 მილიონში არის, ნახევარი მილიონი დოლარის კოსმეტიკური სხვადასხვა მანიპულაციები, ბოტოქსი, ეპილაცია, გასახდომი პროცედურები და ა.შ. ეს მან ჩვენს ხალხს მალულად დააფინანსებინა
ამის შესახებ ქართული ოცნების დეპუტატმა შალვა პაპუაშვილმა განაცხადა, რითაც გამოეხმაურა თბილისის საქალაქო სასამართლოში ე.წ. პიჯაკების საქმეზე მიმდინარე პროცესს. ცნობისთვის, პიჯაკების საქმეზე ყოფილ პრეზიდენტს, მიხეილ სააკაშვილს სახელმწიფო ბრალდება საბიუჯეტო თანხების დიდი ოდენობით [8 837 461 ლარი] ჯგუფურად გაფლანგვას ედავება.