პერუს ჩრდილოეთ ნაწილში 7,5 მაგნიტუდის სიმძლავრის მიწისძვრა მოხდა.
ამის შესახებ ინფორმაციას როიტერსი ავრცელებს.
სააგენტოს ცნობით, მიწისძვრა 100 კმ-ის სიღრმეზე დაფიქსირდა.
ბიძგები დედაქალაქ ლიმაშიც იგრძნობოდა. მსხვერპლის და მიწისძვრის შედეგად გამოწვეული ზარალის შესახებ ინფორმაცია ჯერჯერობით არ ვრცელდება.
აღსანიშნავია, რომ თავდაპირველად ქვეყანაში ცუნამის განგაში გამოცხადდა, მაგრამ ის მალევე გაუქმდა.