ალბათ გგონიათ, რომ ბოდიშის მოხდა გამიჭირდება?! ჩემთვის პირველი იყო ასეთი ცოტა უხერხული სიტუაცია, რომელიც სხვადასხვა გარემოებებიდან გამომდინარეობდა. ახლავე შემიძლია საზოგადოებას მოვუხადო ბოდიში გუშინდელი უხერხულობისთვის და მე ამას ვაკეთებ
ამის შესახებ ფრაქცია ქართული ოცნების თავმჯდომარემ, მამუკა მდინარაძემ ჟურნალისტებს განუცხადა, რითაც გამოეხმაურა მიხეილ სააკაშვილის დაკავებამდე მმართველი გუნდის მხრიდან გაკეთებულ გუშინდელ კომენტარებს. ცნობისთვის, მმართველი პარტიის წარმომადგენლები გუშინ ამბობდნენ, რომ საქართველოს მესამე პრეზიდენტი საქართველოში არ იყო და მას უკრაინის საზღვარი არ გადაუკვეთავს.