უმაღლესი კლასის ავტომწარმოებლებს შორის კონკურენცია სულ უფრო იზრდება
ბლუმბერგი საუკეთესო სალონის მქონე ავტომობილების ჩამონათვალს აქვეყნებს.
2021 Volvo XC90
ვოლვოს ახალი მოდელი კვლავ ელეგანტური და მაღალი ხარისხის ავტომობილების მოყვარული მომხმარებლის ფავორიტია. 2021 წლის Volvo XC90-ის ყველა სიახლე და დახვეწილი დეტალები მომხმარებლის კომფორტზეა მორგებული.
ტექნოლოგია: მაღალი ხარისხის ფოლადის კარკასების წყალობით, თითოეული სავარძელი მგზავრთა სიმძიმის ვერტიკალურ ძალებს მესამედით ამცირებს. მეორე და მესამე რიგში მსხდომი მგზავრებისთვის სახურავში ინტეგრირებულია დამცავი გასაბერი ფარდები (ე.წ. ფარდისებრი უსაფრთხოების ბალიშები), მძღოლის მხარეს კი მუხლის უსაფრთხოების ბალიშიცაა განთავსებული.
კომფორტი: მოდელის ყველაზე ხელმისაწვდომ ვერსიას, XC90-ს აქვს გათბობის, ვენტილაციისა და 10-წერტილიანი მასაჟის ფუნქციით აღჭურვილი წინა სავარძლები.
მასალები: ვოლვო ყოველთვის გამოირჩევა და ერთ-ერთი პირველია მდგრადი, არა ტყავის, არამედ სხვა მასალისგან დამზადებული სავარძლების ტექნოლოგიებში. ეს არის ფაფუკი, მოსახერხებელი და ამავდროულად ნაზი, სპეციალიზირებული შალის ნაზავი, ნამდვილი შალისა და გადამუშავებული პოლიესტერისგან დამზადებული მასალა.
ბონუსი: განსაკუთრებული სიახლეა „სივრცის ტრანსფორმაციის“ ტექნოლოგია, რომელიც შემუშავებულია პროგრამული უზრუნველყოფის შვედ სპეციალისტთან, დირაკ რისერჩთან ერთად და თითოეულ სავარძელზე მოთავსებული მგზავრისთვის ქმნის კონკრეტული სივრცის აკუსტიკას – საკონცერტო დარბაზის, ან სტუდიის მსგავსად.
ღირებულება: € 45,000
2021 Mercedes-Benz S580
მათ ვინც ავტომობილის მართვისგან შეუდარებელ განცდას ელოდება, Mercedes-Benz ახალი ტექნოლოგიით დამზადებულ სავარძლებს სთავაზობს. სავარძლების ახალი მექანიკური ჰაერის ბუშტები ზედაპირთან ახალა იმაზე უფრო ახლოს არის, ვიდრე წინა წლებში, რაც მასაჟის 10 პროგრამისათვის უკეთესი კონტაქტის საშუალებას იძლევა. ამასთან ავტომობილი მსოფლიოში პირველი სერიული წარმოების უკანა სავარძლების უსაფრთხოების ბალიშით გახლავთ აღჭურვილი.
რა ქმნის კომფორტს: ბალიშის ჩანართები წინა და უკანა სავარძლების საყრდენებზე, პირველად ფუნქციასთან ერთად, სითბოსა და მასაჟის შეგრძნებას უზრუნველყოფს.
მასალა: ახალი S კლასის დალიანდეგებული ტყავის სალონს, მისი რბილი სტურქტურის და ელეგანტურობის გამო, მაღალი დონის ხელჩანთას ადარებენ.
ბონუსი: მერსედესის ცნობილი პროგრამა Energizing Comfort გთავაზობთ სიახლეს, რაც უფრო მეტ კომფორტს გულისხმობს. ახალი პარამეტრები არეგულირებს განათებას, ეკრანულ დისპლეის, ხმას და ასევე სავარძლის ისეთ ფუნქციებს როგორც არის ტემპერატურა და მასაჟის სიძლიერე. ამ ფუნქციების ერთობლიობა კი საბოლოოდ ქმნის შეგრძნებას თითქოს ოთხ ბორბალზე შემდგარი მანქანა სპა-სალონად გადაიქცა.
ღირებულება: € 95,000
2022 Rolls-Royce Phantom Tempus
ამბიციური განაცხადი აქვს როლს-როისს, – მანქანაში წყდები გარესამყაროს, სტრესს, ყველაფერს რაც ნეგატიურ გავლენას ახდენს.
ტექნოლოგია: თითოეული კარის გასწვრივ წვრილი, პატარა ხვრელებიდან ოპტიკურ-ბოჭკოვანი განათება მოჩანს და ქმნის მბრუნავ, ტალღოვან გამოსახულებებს, რომელიც როლს-როისის ცნობილი ვარსკვლავების შუქიან ჭერს ავსებს.
კომფორტი: Tempus–ის საბურავის გაფართოებული ბაზის წყალობით, უკანა მხარეს მოსახერხებელი ფეხის საყრდენებით და ზამშის ბალიშებით სარგებლობთ. არ დაგავიწყდეთ მასაჟის ფუნქცია, რომელიც ოთხივე სავარძელს აქვს.
გამოყენებული მასალა: შალითები შეკერილია ხელით, ხალიჩები კი მაღალი ხარისხის ბატკნის მატყლისგან მზადდება. წინა სავარძლების საზურგეების ხის პანელები ცნობილი ბრენდის Eameს-ის მოსასვენებელი სავარძლით არის შთაგონებული.
ბონუსი: მაცივარი შამპანურისთვის – იტევს 2 ბოთლს და დამჭერები 2 ბოკალისათვის განთავსებულია სტანდარტულად უკანა სავარძლებს შორის. მყიდველებს ასევე შეუძლიათ შუკვეთონ სავარძლის ვარინატები, რომლებიც მათ მოთხოვნებს უფრო მეტად ერგება, მათ შორის ახლადდანერგილი საძილე სავარძლი.
ღირებულება: $500,000
2021 Lamborghini Aventador SVJ
კომფორტული და თანამედროვე, – ამ კონცეფციით იქმნება სალონი მომხმარებლებისთვის
ტექნოლოგია: ტრეკზე გასასვლელად გამზადებულ ავტომობილში ორი სავარძელი ოპტიმალურ მართვაზეა მორგებული. არ არსებობს რაიმე ელექტორნული რეგულირება, – ნუ ელით, რომ აქ ნახავთ სავარძლის გამათბობლებს, – გარდა საყრდენებისა.
მასალა: ზამშის მსგავსი ალკანტერის და ტყავის შალითები, სავარძლები ხუთწერტილიან სარბოლო აჭურვილობასთან არის თავსებადი.
კომფორტი: ერთადგილიანი სავარძლები, შთაგონებული რეაქტიული თვითმფრინავებისგან, მჭიდრო საგებებით და მაღალი გვერდებით. ეს ყველაფერი კი იმისათვის, რომ მყარად იჯდეთ მაშინაც, როდესაც ვიწრო მოსახვევებში იქროლებთ. მკაცრი ხაზები მჭიდროდ ერგება მძღოლის თეძოებს და მხრებს, ზედმეტად არ მოძრაობს თავი, იდაყვები და მკლავები, იმისათვის რომ სრულად იყოთ დაცული.
ბონუსი: არჩევანი თქვენზეა, – ლამბორჯინი გთავაზობთ ასობით არჩევანს ნათელი, კონტრასტულნაკერებიანი, ფერადი კომპლექტაციისთვის და ასევე მუქ ტონებს სავარძლის ქვედა ნაწილის, გვერდების და საზურგისათვის.
ღირებულება: $ 517,700
Koenigsegg Gemera
ტექნოლოგია: პირველად ელექტრო ჰიპერქარში სავარძლების 2+2 კომბინაცია, უკანა სავარძლები წინაზე ოდნავ მაღლაა განლაგებული, იმისათვის რომ თვალსაჩინო ხედები და მაქსიმალური სივრცე უზრუნველყოს.
კომფორტი: წინა სავარძლები ოთხივე მიმართულებით ელექტრონულად რეგულირდება. წინა და უკანა სალონში თქვენ ჯდებით მანქანის თითოეულ მხარეს განლაგებული ერთი დიდი, ვერტიკალურად გაღებადი კარის საშუალებით. საკმარისი სივრცეა ოთხი ზრდასრული ადამიანის კომფორტულად განსათავსებლად და დამატებით ბარგის გადასატანადაც.
მასალები: ერთადგილიანი სავარძლები დამზადებულია ინტეგრირებული მეხსიერების ეფექტის მქონე ქაფით ზურგის იდეალური საყრდენისათვის მთელ სიგრძეზე.
ბონუსი: ფინჯნების რვა დამჭერი გვთავაზობს როგორც ცხელ, ასევე ცივ ტემპერატურას. კომფორტს ემატება წინა და უკანა საინფორმაციო -მულტიმედიური ეკრანი, უსადენო დამტენი და კითხვის ოთხი განათება.
ღირებულება: $1.7 მილიონი
