რა ნაწილში იღებთ პასუხისმგებლობას საინტერესოა. კოვიდის მართვაში? უმუშევართა რიცხვის ზრდაში? ქვეყნიდან წასულ ემიგრანტთა ზრდაში? თუ მოშიმშილე ბავშვების და სოციალურად დაცველთა წინაშე ხართ პასუხისმგებელი? იქნებ სიტყვისა და გამოხატვის თავისუფლებაზე ხართ პასუხისმგებელი მაშინ, როდესაც 6 ივლისის მოვლენები თქვენი წამქეზებლური განცხადების შედეგია. თუ ჰაკიმ ფაშას საქმიანობაზე იღებთ პასუხისმგებლობას. იქნებ ადამიანების განადგურებულ ფსიქიკასა და მორალურ ტერორზე, რაც ფარული კადრების გასაჯაროებას მოჰყვა. თუ სამსახურიდან გამოყრილ ჟურნალისტებზე და ოპონენტებზე? თუ ცემისგან გარდაცვლილ ლექსო ლაშქარავაზე? მაინც რაზე იღებთ პასუხისმგებლობას ბატონო პრემიერო, იქნებ დამიზუსტოთ. ვის წინაშე ხართ პასუხისმგებელი ეგეც მითხარით, ოღონდ გულწრფელად. თქვენი პატრონი ივანიშვილის თუ…
განაცხადა ჟურნალისტმა ეკა მიშველაძემ გადაცემა დღის ამბებში.