ალერგოლოგ-იმუნოლოგ ბიძინა კულუმბეგოვის თქმით, კვლევებით დასტურდება, რომ ვაქცინაცია დაორსულებასა და მამაკაცების განაყოფიერების ფუნქციებზე უარყოფით გავლენას არ ახდენს.
“მსოფლიოში ეს აზრი ვაქცინაციის დასაწყისში მუსირებდა. ამერიკამ და ბევრმა წამყვანმა ქვეყანამ, ასევე ავტორიტარულმა საერთაშორისო ორგანიზაციებმა ჩაატარეს კვლევა. დადგინდა, რომ ორჯერადად ვაქცინირებული ქალებისგან დაიბადნენ ბავშვები, არავითარი პრობლემა მუცლადყოფნის პერიოდში ან შემდგომ ვაქცინირებულ მშობლებს არ ექმნებათ. მამაკაცების უნაყოფობაც არ დადასტურდა. სინგაპურის, ამერიკისა და ისრაელის კვლევა ჩატარდა, რომლითაც დადგინდა, რომ ვაქცინა სპერმატოზოიდების ხარისხზე არ მოქმედებს და აბსოლუტური სხვაობა არ არის არავაქცინირებულ და ვაქცინირებულ ადამიანებს შორის. ცივილურ სამყაროში ეს საკითხები უკვე მოხსნილია და ჩვენს ქვეყანაში თუკი ვინმეს აღელვებს, კიდევ ერთხელ განვუმარტავ, ვაქცინა განაყოფიერების ფუნქციებზე არ მოქმედებს“,- განაცხადა კულუმბეგოვმა ინტერპრესნიუსთან საუბარში.