“სიტყვა “გიჟური” კარგად მეტყველებს სააკაშვილის ფსიქიკურ განწყობაზე”, – ასე ეხმაურება საპარლამენტო უმრავლესობის წევრი სოზარ სუბარი ყოფილი პრეზიდენტის, მიხეილ სააკაშვილის განცხადებას, რომ საქართველოში გასაგიჟებელი მხარდაჭერა აქვს.
სუბარის თქმით, სააკაშვილი ქვეყანაში ჩამოსვლას ვერ ბედავს.
“სააკაშვილი 8 წელია ყველა არჩევნებს აგებს და ქვეყანაში ჩამოსვლას ვერ ბედავს”, – ამბობს სუბარი.
შეგახსენებთ, მიხეილ სააკაშვილმა დოიჩედ ველეს რუსულ რედაქციასთან საუბრისას განაცხადა, რომ მას საქართველოში გასაგიჟებელი მხარდაჭერა აქვს და არსებული ხელისუფლება ამ წელს აუცილებლად შეიცვლება.