ლანჩხუთის მუნიციპალიტეტში საფლავები გაძარცვეს. რამდენიმე სოფელში ათეულობით საფლავია გაძარცვული.
ძარცვის ფაქტს ადგილობრივები ადასტურებენ.
“ქალების ხმა გავიგონე – ყვიროდნენ. ვიკითხე რა გაყვირებთ-მეთქი და თქვეს, რომ საფლავები გაძარცვესო”, – განაცხადა ადგილობრივმა, მანანა თოდუამ ტელეკომპანია ფორმულასთან საუბრისას.
კიდევ ერთი ადგილობრივის, ქეთევან მდინარაძის თქმით, ძირითადად წაღებულია დურალუმინისა და ალუმინის კონტრუქციები.
“კარებია მოსხნილიო, ჯაჭვებია წაღებული. ვისი სასაფლოა გაძარცვული, ვერ გეტყვით. ადრეც ითქვა, რომ ალუმინი მოხსნესო”, – აღნიშნა ქეთევან მდინარაძემ.
მეტრონომი დეტალებს შინაგან საქმეთა სამინისტროში არკვევს.
საფლავები გუშინ, 29 აპრილს ოზურგეთის მუნიციპალიტეტის სოფელ შემოქმედეშიც გაძარცვეს.