როგორც შეწყალების კომისიის ყოფილმა თავმჯდომარემ ალეკო ელისაშვილმა “საზოგადოებრივი მაუწყებლის” ეთერში განაცხადა, მის ტელეფონზე მოკლე ტექსტური შეტყობინება 30 აპრილს შევიდა. ნომრის ინდექსი 5 91 იყო. ალეკო ელისაშვილის განცხადებით: “ეს არის მაგთიდან ოფიციალური ამონაწერი. 591-ზე იწყება ეს ნომერი. 2014 წლის 30 აპრილს არის შემოსული მოკლე ტექსტური შეტყობინება 14:36 წუთზე, 4 მესიჯი ზედიზედ შემოვიდა. იქ იყო კატეგორიულ-ისტერიულ ტონში მოთხოვნა, რომ გამეტანა საქმე განსახილველად. ვუპასუხე ამ ადამიანს 16:15 წუთზე, დაახლოებით 2 საათნახევრის შემდეგ. ეს ის 2 საათნახევარია, როდესაც ეს შეტყობინება შევუტანე პრეზიდენტის ადმინისტრაციის უფროსს და პრეზიდენტს”, – განმარტა ალეკო ელისაშვილმა.
შეგახსენებთ, რომ შეწყალების კომისიის ყოფილი თავმჯდომარე რამდენიმე, ჯერ კიდევ დაუსახელებელ პოლიტიკოსს, პატიმრების შეწყალებასთან დაკავშირებით კორუფციულ გარიგების მცდელობასა და ზეგავლენით ვაჭრობაში დებს ბრალს. საქმე გამოძიებაშია.