aviabiletebi
ახალი ამბები მთავარი პოლიტიკა

ჯაფარიძე: კიდევ ერთხელ უნდა მივმართოთ პარლამენტს, რომ შეგვიჩეროს მანდატები

aviabiletebi
ავიაბილეთები

პარტია „გირჩი – მეტი თავისუფლებისთვის“ ლიდერის ზურაბ ჯაფარიძის განცხადებით, ოპოზიციის დღევანდელ შეხვედრაზე საუბარი შეეხო მოლაპარაკებებსა და ოპოზიციური პარტიების სამომავლო გეგმებს. , ჯაფარიძე არ გამორიცხავს, რომ მოლაპარაკებები კვლავ გაგრძელდეს. მისივე თქმით, ოპოზიციონერმა დეპუტატებმა პარლამენტს კიდევ ერთხელ უნდა მიმართონ მანდატების შეწყვეტით მოთხოვნით.

“ისე აღმოჩნდა, რომ დღეს მე ვიყავი ერთადერთი, ვინც უშუალოდ იღებდა მონაწილეობას ამ მოლაპარაკებების პროცესში. სხვა პარტიების ლიდერებიდან არავინ ესწრებოდა. ამიტომ დამსწრეებს აინტერესებდათ, კონკრეტულად როგორ მიმდინარეობდა მოლაპარაკების რაუნდი, როგორი იყო პროცედურები და შევეცადე, მაქსიმალურად მომეყოლა, რა ხდებოდა. ამის შემდეგ იყო საუბარი მომავალ გეგმებზე და რა შეიძლება იყოს შემდეგი ნაბიჯები, რა შეიძლება გააკეთონ პარტიებმა, მათ შორის ახლა იწყებენ მსჯელობას 15 მაისის აქციაზე. ჯერ ვერ მოგიყვებით ვერაფერს, შეთანხმება არაფერზე არ ყოფილა, რადგან მე ადრე გამოვედი.

ჩემი აზრით, ყველამ, ვისაც აქვს მანდატები, კიდევ ერთხელ უნდა მივმართოთ პარლამენტს, რომ შეგვიჩეროს მანდატები. მე ეს გადაწყვეტილება მიღებული მაქვს სერიოზულად და მგონია, რომ გასაკეთებელია“, – თქვა ჯაფარიძემ.

ცნობისათვის, ლეიბორისტულ პარტიის ოფისში ოპოზიციის შეხვედრა დასრულდა. ეს არის პირველი შეხვედრა მას შემდეგ, რაც ბოლოს მოლაპარაკებები ჩაიშალა ოპოზიციასა და მმართველ გუნდს შორის.

 

იტვირთბა....