“გაერთიანებული ერების ორგანიზაციამ” მსოფლიო ბედნიერების დღესტან დაკავშირებით ანგარიში გამოაქვეყნა, რომლის თანახმადაც, 2021 წლის მსოფლიოს ბედნიერების ინდექსში (WHR) საქართველოს 108-ე ადგილზე უკავია.
ანგარიშის მიხედვით, საქატველომ 108-ე ადგილზე 117-ე ადგილიდან გადაინაცვლა, რაც ნიშნავს, რომ 2020 წლის განმავლობაში, საქართველოში ბედნიერების დონე 9 პოზიციით გაუმჯობესდა.
ექსპერტები ბედნიერების დონეს 6 მთავარი მონაცემის მიხედვით ადგენენ, მათ აჯამებენ და ათბალიანი სკალით თითოეული ქვეყნისთვის საშუალო ქულა გამოჰყავთ.
ბედნიერების დასადგენი 6 ფაქტორია:
- ერთ სულ მოსახლეზე მთლიანი შიდა პროდუქტის მოცულობა
- ჯანმრთელი სიცოცხლის ხანგრძლივობა
- სოციალური მხარდაჭერის სისტემა
- არჩევნის თავისუფლების ხარისხი
- მონაწილეობა ქველმოქმედებაში
- კორუფციის აღქმა
აღნიშნული ფაქტორების გარდა, ბედნიერების ინდექის დასადგენად მოქალაქეების გამოკითხვაც ტარდება, სადაც ისინი საკუთარ პოზიციას აფიქსირებენ.
“წარმოიდგინეთ კიბე. მისი საფეხურები დანომრილია. ქვედა საფეხურს 0 აწერია, ზედას 10. კიბის ზემოთ თქვენთვის სასურველი საუკეთესო ცხოვრებაა, კიბის ქვემოთ – ყველაზე ცუდი. კიბის რომელ საფეხურზე გრძნობთ თავს ახლა?”
პროგრესის მიუხედავად, საქართველო კვლავ ჩამორჩება მეზობლებსს და თითქმის ყველა პოსტ-საბჭოთა ქვეყანას.